lovely girl

البنت اللي عاوزة أتكلم عنها صورتها ضاعت مني
أكيد هأعرف أجيب صورتها تاني عشان أنا بأحبها جدا حدا

البنت دي اسمها ميان
عندها مشكلة مش عارفة تعبرعنها خالص لأنها صغيرة
عندها 8سنين

البنت دي مشكلتها إنها اتولدت من أب وأم مش عاوزين بعض
انفصلوا قبل ما تتولد بست شهور
كانت البنت دي نتيجة زواج سيئ الاختيار

أصبحت عندها مشكلة صعوبة تعلم وتأخر دراسي ومشكلات سلوكية لا حصرلها
ده بسبب أهلها
باباها
مامتها
جدتها
المدرسة وأصحابها لو عندها أصحاب


التفصيل في وقت لاحق

لو عندك ابن مش طبيعي

غريبة جدا

عندما يكون عندك ابن مش طبيعي بتعمل عشانه إيه ...؟

وبتقول عنه إيه قدامه أوقدام الناس ؟

ويا ترى بتعامله إزاي ؟

المشكلة .. إن الطفل اللي عنده مشكلة معينة بتخلينا نقول عنه إنه معاق دايما بيتعامل بطريقة خطأ .

بمعنى إنه بالذات ف البيت بنهمله اهمال كبير بسبب إنه مفيش فيه فايدة .

أو نسيبه يعمل اللي هو عاوزه عشان ياعيني الواد تعبان و يا ولاد متضربوش أخوكوا عشان هو عيان أصله مش فاهم ... أو لما الولد يعمل أي حاجة أوأي حركة ... كالاهتزاز المتكرر أو أن يضرب نفسه أو غيره بيتقال إيه ؟ عنده مرض أو عنده صرع أو عايش مع نفسه وخلاص ........ فيقولولك إيه .... سيبوه ياولاد .... محدش يقرب منه .

حرام نسيبه .. حرام علينا نسيبه كده لأنه بيعمل كده عشان ملاقاش حد يقوله لأ .... ويجيلنا الأولاد بسلوكيات وعادات نبتدي نغيرها عشان في البيت مكانش حد بيقوله لأ .

كان في بنت صغيرة جدا عندها 3 سنين ومشكلتها إنها اتولدت معاقة عقليا ( داون ) اللي شبه بعض دول ... المشكلة إن البنت دي مقطعة اخواتها وأبوها وأمها من الضرب والخربشة ..... ليه؟ لازم نحس بيهم ونسأل نفسنا ياترى بتعمل كده ليه ؟

البنت ديه بتلعب ... كل الحكاية انها عاوزة تلعب ومش عارفة عشان محدش بيلعب معاها وكمان مفيش استجابة منهم ف اللعب .. راحت ضرباهم عملوا إيه ؟؟ ضربوها ... جريوا منها وجريت وراهم .. خبوها من الضيوف عشان متضربهمش .... البنت لاقت استجابة زادت ضرب .

نعمل لها ايه ؟؟؟؟

1. نحاول نلعب معاها وألعاب كتير ... لان الأطفال أهم حاجة عندهم اللعب .

2. نعمل توعية للناس كلهم ميخافوش منها ويلاعبوها .

3. نفهمها إنها متضربش وإنها هتتعاقب لو ضربت تاني وهي هتفهم .

4. نشوف ايه الحاجات اللي بتحبها أوي عشان نديهالها مكافأة أوتعزيز لو مضربتش .

5. ونشوف إيه اللي الحاجات الي بتخاف منها أو بتكرهها ونعاقبها بيها لو ضربت.

6. لازم عشان نغير سلوك يبقى في سلوك تاني بديل يعني بدل مانضرب الناس نسلم عليهم ونبوسهم .

الطفل علشان يبقي كويس ومفهومه عن نفسه كويس لازم نتكلم عنه كويس قدامه وقدام الناس وإلا ........ ربنا يستررر وبلاش نتكلم عنه وحش حتى لو مطلع عنينا .

الأطفال أذكياء جدا في تعاملهم حتى لو كانوا معاقين .... خلوا بالكوم منهم .

على قد كده الأطفال دول سهل تكسب المعركة معاهم لو حبوك ...... وهو المطلوب إثباته ...

ايه المشكلة يا جماعة ؟

كل مشكلته إنه اتولد معاق :

والله العظيم مش ذنبه ؛ ومن ناحية الذنب هنا فالناس نوعين :
أولا : نوع بيقول ........ ( ياعيني عليك يابني ) ويمصمص شفايفه .. وإيه كمان هاتك يادلع ... وتيجي تكلمهم يقولولك إيه ثواب مش كفاية اللي هو فيه !!!!!!!!!!!!!

ثانيا : ونوع يقولك إيه ...( دي عيال مسخ وجتهم القرف ..... مش كفاية الباقي كمان العيال ديه اللي مالهاش لازمة ولا تعليمهم بيفيد البلد ف حاجة دي مصاريف رايحة ع الفاضي ...... دي عيال عاوزة الحرق أو الإعدام في ميدان عام ) .

المهم إن دول غلط .. ودوكهما برضه غلط ؛ لأن الأولاد المعاقين دول عبارة عن أطفال عاديين في مشاعرهم وإحساسهم مفيش فرق بينه وبين العادي

عشان كده لازم نربيه صح ومن الأول زيه زي العادي في أسلوب التربية
يعني:
شاطر وبرافو عليك في الحاجة الصح
وغلط ويتعاقب ف الحاجة الغلط

كل مشكلته معانا ان ذكاءه أقل شوية من العادي

أبناءنا ليست أشياء نمتلكها وإنما هي أجزاؤنا تتحرك على الأرض

ابنـي

هو الشيء الذي كان بداخلي ثم خرج إلى الحياة ....
الحياة ؟ ... ماذا تعني لدينا كلمة حياة ؟ .....
وماذا تمثل هذه الكلمة بالنسبة له ؟ الحياة لا تضع
مفاهيمها لنا وإنما نحن من يضع لها المفاهيم التي
تتوافق معنا .


لذلك فإن الشيء الذي يستلزم علينا الاقتناع به هو
أننا قمنا بعملِ أوليّ حينما قمنا بانتاج هؤلاء
الأبناء . تماما كما نقوم بإنتاج فكرة جديدة لإنتاج
منتج بأحد مصانعنا ، فلتتخيل معي أنك صاحب مصنع ثم
قمت بإنتاج فكرة لمنتج جديد ، هذا المنتج سوف يحمل
اسم المصنع الذي تملكه .. وعلى هذا سوف يتحمل مصنعك
مسئولية أي خطإ ينتج عن هذا المنتج .....


لذلك فأنت تقوم أولا بالإعداد مسبقا له وتجهيز كافة
التجارب والاحتمالات وذلك على يد متخصصين ومدربين
وذوي خبرات متعددة ، كما أنك لا تكتفي بهذا فقط وإنما
تقوم أنت بنفسك بالإشراف عليه والتجربة ويساورك
القلق ليل نهار حتى تطمئن إلى نجاحك في عرض المنتج
ومطابقته للمواصفات .


أبناؤنا أغلى لدينا من منتجاتنا وأموالنا جميعها ؛
ألا يستحق أبناؤنا منا هذا الاهتمام والاستعداد الذي
نعطيه لمجرد منتج سيحمل اسم مصنعنا أو شركتنا منتج
تستطيع أن تتخلص منه في أي وقت أما طفلك فلا يمكنك
التخلص منه لأنه جزء كبير من حياتنا وليس من المعقول
إهمال أجزاءنا دون اهتمام .

المهم
والجديد هو أننا يجب أن ننجز

أهم أهدافنا مع أبنائنا وأن نشارك أطفالنا في
أنفسنا عن طريق مشاركتنا مع أطفالنا ، نحن لا ننقل
لهم حبنا فقط ولكن ننقل إليهم أيضا قيمنا ومبادئنا
ومثلنا .. إن هذه العلاقة هي أساس كل تنشئة صحيحة
وناجحة للطفل .


إذا كان لدينا كمية وقت قصيرة نقضيها مع أطفالنا
فمن المهم أكثر أن نقضيها فى مشاركة هادفة من خلال
الأنشطة ، وذلك من خلال المشاركة والإستمتاع بالأنشطة
المشتركة


يمكننا التعرف على أولادنا وهم أيضا يتعرفون علينا
من خلال المشاركة الفعالة فيزداد حبنا لأطفالنا
وحبهم لنا.



الأطفال بلا شك يعملون وفى ذات الوقت يلعبون فالطفل
الذى يتعلم ربط حذاؤه أو مسك الشوكة أو يكتب
بالقلم الرصاص هو طفل يعمل لأنه يتعلم مهارة عامة
ويطبقها فى المكان ووقت محددين


فى الطفولة المبكرة يعتبر اللعب وسيلة للتعلم
..فالتعلم هو بالضرورة تعميما أى الانتقال من الخاص
الى العام وهى عملية تعليمية أساسية..فعندما يشيد
الأطفال بيتا فهم يعطون شكلا عاما وممتدا لخبراتهم فى
المنزل



اللعب عند الأطفال أمر جدى وليس مجرد قضاء وقت لطيف

منذ اللحظة الأولى التى ولد فيها الطفل بدأ فى تعلم
شيء عن العالم ، وفى تلك اللحظة أيضا أخذت الأم دور
المعلم فالوليد خلال الأسابيع الأولى من حياته يتعرف
على وجوه والديه وأصواتهم ويميزهم عن الآخرين، ثم
يتمكن من رفع رأسه لكى يستطيع الرؤية بصورة أفضل
ويتعلم الإمساك للأشياء التى يريدها



فلنكن آباء وأمهات يأخذون دورهم بجدية وإهتمام
كمدرسين لأطفالهم فالطفولة هى فترة تجريب وملاحظة فترة
لعب كما أنها فترة يتعرف فيها الطفل على نفسه وعلى
أبويه والعالم المحيط طبقا لقوانين ومواعيد النضج
الطبيعية فنراقب أطفالنا ونتعلم معهم .



نصيحة جدتى :

تقول جدتى أن وقت العساء مهم لجميع افراد الاسرة لذا
فقد كنا نحرص على تناول العشاء مبكرا
ومائدة العشاء هى المكان الذى نتعلم فيه السلوكيات
مثل :عدم إصدار الأصوات أثناء تناول الطعام
وقول نعم ،من فضلك ،ولا ، وشكرا ، وطلب الإذن لمغادرة
المائدة ، إنها أيضا المكان المناسب لتعليم الأطفال فن الحديث.



مهمـــــتك :

عندما يقوم طفلك بعمل شيء رقيق وجيد ، فقومي
بكتابة العمل وتقديرك له على ورق ملون ، وضعيها
على وسادته ، إن ذلك يساعده على تدعيم السلوكيات
الجيدة ويبني الثقة بالنفس .



سيتم عرض الموضوعات الخاصة بالأطفال ذوي الاحتياجات الخاصة لاحقا
..................