واحد راح يبات هو و المدام فى الهيلتون ليلة
تانى يوم الصبح
بيطلب من موظف الاستقبال الحساب و دار بينهم الحوار ده
الزوج
: الحساب كام من فضلك ؟
...الموظف :
1000 جنيه بس يا فندم
الزوج :
ألف جنيه ليه يا أستاذ ... كتير قوى مبلغ ألف جنيه فى ليلة دى كانت ليلة واحدة يا محترم...
الموظف :
أجرة المبيت فى الليلة بـ400 جنيه
الزوج:
طب و الـ 600 جنيه الباقيين ليه بقى إن شاء الله ؟
الموظف:
عندك 150 جنيه أجرة الموظفين اللى بيشيلوا الشنط سيادتك لما نزلت من
التاكسى مش كان فيه شيالين بيشيلوا الشنظ منتظرينك ؟
الزوج:
أما غريبة والله ... بس أنا شيلت الشنطة بنفسى و ماحدش شالها ليا
الموظف :
ماهو كانوا موجودين قدام سعادتك .. ما ناديتش عليهم يشيلولك الشنطة ليه ؟؟
الزوج:
نعم ياخويا
الموظف :
هاكمل لحضرتك باقى المبلغ عندك 200 جنيه إستخدام حمام السباحة
الزوج:
بس احنا ما نزلناش عومنا فى الحمام خالص هوا احنا وش عوم و مايوهات
الموظف :
حضرتك حمام السباحة كان قدام سعادتك ما نزلتوش عومتوا ليه ؟؟
و عندك 250 جنيه إستعمال سخان الميه اللى بالكهربا فى الأوضة
الزوج :
الدنيا كانت حر أصلاً و ما أستعملناش السخان فى حاجة
الموظف :
مالناش دعوة .. السخان كان عند سعادتك ما إستعملتوش ليه ؟؟
الزوج :
أما شيىء سخيف قوى الزوج قعد يفكر شويه وبعد كده طلع 400 جنيه يديهم للموظف
فقاله الموظف :
دول 400 جنيه بس يا فندم
الزوج:
الـ 600 جنيه الباقية حق ما عاكست المدام بتاعتى
الموظف:
ايه الكلام الفارغ ده ... حضرتك عاوز تجيبلى مصيبة هوا أنا عاكست المدام بتاعتك خالص و لا جيت جنبها !!
بلدياتنا:
ماكانت قدامك
ما عاكستهاش ليه ؟؟
ليست هناك تعليقات:
إرسال تعليق